Vorgangen | MinettsDäpp

Regelmässig Eventer

Wëchentleche Spillowend

All Freides

19:30-23:00

Zesumme mat eisem Partner Social Gaming Luxembourg spillen an erkläre mer all Freides Owes Brietspiller. Kommt a spillt mat.

Pub-Quiz

Leschten Donneschden am Mount

19:30-23:00

Et ass kee Quiz am August an am Dezember

An Teams vun 4 bis 6 Leit gëtt geknobelt a geroden. Wie weess am meeschten? E flotten Owend bei Spill a Spaass. Op Lëtzebuergesch an Englesch.

Monatlechen RPG One-shot Day

Eischte Sonnden am Mount

14:30-00:00

Eis Game-Masteren deelen hier Erfahrungen an hier Freed um RPG (role playing games) mat Iech. Vergiesst den Alldag a loosst Iech an aner Welten entféieren.

Wöchentlechen RPG mam Dominic

All Weekend mam Game-Master Dominic (kuckt op Discord)

Wëllt der gären eng Kéier Dungeons and Dragons oder Call of cthulhu probéieren oder där kënnt déi Spiller a maacht gäre mat? Den Dominic ass ëmmer prett fir mat äch en onvergiesslechen Nomëtteg ze erliewen.

Krimidinner, den 19.01.2023

Wat ass e Krimidinner?

Et ass ganz einfach: Där sidd en Deel vun engem Krimispill, wou et drëms geet e Mord opzeklären. All Gaascht am Café ass e Verdächtegen an een ass de Mäerder. Wien ass et? Där braucht näischt weider ze maachen oder ze wëssen, just probéieren ze roden, wien déi abominabel Dot begaangen huet.

Flotten Owend bei Iessen a Gedrénks an enger geselleger Atmosphäre.

De Fall:

Mär schreiwen d'Joer 1982. En Zëmmermeedchen gouf dout an engem Zëmmer opfonnt. De Polizeiinspekter ass op der Platz mat senger Assistentin. All d'Entréeën vum Café goufen mat Bännercher ofgeséchert an all d'Gäscht, also Där alleguerten, däerfen d'Lokal net verloossen bis de Fall geléist ass!

Et ass kloer: wann der déi Nuecht an ärem Bett schlofe wëllt, da muss der dem Inspekter hëllefen de Killer ze fannen...